Lajme
Zake Prelvukaj, me dy vepra në “Paks Gallery” të Vjenës
Prishtinë, 9 janar – “Paks Gallery” me qendër në Vjenë, ka bërë publik programin e ekspozitave për këtë vit.
Synon që nëpërmjet tyre të shpalosë artin e shekujve XX dhe XXI. Galeria me tri lokacione në Austri – nga një në Vjenë, në Kështjellën e Hubertendorfit dhe në “Palais Werndl” në qytetin Steyr – sikurse një në Münich të Gjermanisë, është një nga galeritë më me nam në Evropë, shkruan koha.net, përcjell albinfo.ch.
Nëntë ekspozita do të jenë pjesë e programit të saj për sivjet, e në njërën prej tyre që është hapur të mërkurën është paraqitur edhe arti i piktores shqiptare, Zake Prelvukaj. “What moves us” (Çfarë na shtyn të lëvizim) është titulli i ekspozitës në Vjenë, ku janë paraqitur dy vepra të saj.
Prelvukaj, e cila nuk ka qenë e pranishme në hapje të ekspozitës, ka thënë se përmes pikturave të saj në metropolin evropian ka dërguar mesazhin se njerëzit duhet të orientohen nga një jetë më e mirë. Kjo mund të kuptohet edhe përmes veprave të saj me titull “This way” (Në këtë anë). Në njërin punim ajo ka vendosur një personazh para pasqyrës. Siç ka thënë, është një reflektim mbi ndryshimet që sjell koha. Në veprën tjetër dy personazhet që nuk mund të qëndrojnë pa njëri-tjetrin apo siç thotë Prelvukaj janë plusi dhe minusi. Pikturat e realizuara me teknika mjaft të veçanta për artisten, do të qëndrojnë të ekspozuara në kryeqytetin e Austrisë deri më 23 mars. Dy pikturat janë realizuar me bitulin zift dhe neostik.
Në ekspozitën “Çfarë na shtyn që të lëvizim”, përveç Prelvukajt, shpaloset edhe krijimtaria e 16 artistëve të tjerë nga vende të ndryshme të botës.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?