Zermatt, fshati më i bukur në Zvicër

Pozita e mirë gjeografike bën që Zvicra të ketë vendet ndër më të bukurat në botë.

Zvicra njihet për fshatrat me pamje mahnitëse për nga natyra. Zvicra, me pozitën e mirë gjeografike, bën që t’i ketë vendet ndër më të bukurat në botë.

Këto fshatra shpalosin dhe dëshmojnë që Zvicra është një vend mjaft tërheqës si nga ana e natyrës, ashtu edhe nga mënyra e ndërtimit të saj nga dora e njeriut, transmeton albinfo.ch.

Për disa njerëz, pa dyshim aventura dimërore do të thotë të marrësh pasaportën dhe të ikësh në një vend me temperatura të ftohta dhe të shijohet bukuria e fshatrave. Por, këtë po e pamundëson virusi korona.

Derisa në vitet e kaluara, grupe të mëdha (mijëra njerëz) u zhyten brenda disa orësh në hijeshitë e fshatit Zermatt, rrëzë Matterhorn-it emblematik, këtë vit duket se nuk ka shumë interesim, për shkak të përhapjes së Covid-19.

Këtë sezon, fshati Zermatt ka qenë relativisht i heshtur dhe nuk ka pasur numër të madh të turistëve.

Autoritetet lokale kanë shprehur shqetësime në të gjitha sektorët e turizmit, duke prekur kështu të ardhurat që siguroheshin për këtë sezon turistik dimëror, veçmas në fshatin Zermatt, ku numri i turistëve vitin e kaluar theu çdo rekord.  /Albinfo.ch

---