Zgjedhjet në Kroaci: Prin partia në pushtet

Pas numërimit të 31.7 për qind të fletëve të votimit, HDZ ka marrë 37.3 për qind të votave ose 65 nga 151 vendet në parlament

Sot janë zhvilluar zgjedhjet nacionale në Kroaci.

Pas numërimit të 31.7 për qind të fletëve të votimit, partia në pushtet, HDZ së bashku me katër aleatët e saj morën 37.3 për qind të votave ose 65 nga 151 vendet parlamentare në “Sabor”, parlamentin kroat, trasnmeton albinfo.ch. Kështu ka bërë të ditur Komisioni Qendror Zgjedhor në Zagreb.

Sipas këtyre shifrave, aleanca opozitare e majtë-liberale Rijeke Pravde (Lumenjtë e Drejtësisë) doli në vendin e dytë me 41 mandate dhe 26.1 për qind të votave, shkruan srf.ch duke ju referuar burimeve kroate. Aleanca është e afërt me presidentin Zoran Milanovic.

Partia nacionaliste e djathtë Domovinski Pokret (Lëvizja për Atdheun) zuri vendin e tretë me 10 mandate, që korrespondojnë me 6.4 për qind të votave.

Edhe sipas sondazheve të votuesve, partia e djathtë HDZ e kryeministrit Andrej Plenkoviç kishte dalë e para.

 

---