‘Zhurmë’ në Austri pasi kryetarët dhe personat e famshëm kapin dozat e vaksinave ‘të mbetura’

FOTO: APA/GEORG HOCHMUTH

Lajmi se kryetarët e bashkive lokale dhe madje edhe të famshëm në Austri kanë marrë vaksinën Covid-19 pasi kanë marrë dozat “e mbetura” ka shkaktuar trazira dhe ka provokuar zemërimin e kancelarit austriak, përcjell albinfo.at

Kancelari Sebastian Kurz ka thënë se ai është “shumë i zemëruar” pasi doli që disa politikanë rajonalë në Austri u imunizuan me vaksinat “e mbetura” të koronavirusit, edhe pse ato nuk ishin pjesë e një grupi me rrezik të lartë.

“Nëse vaksinat kanë ngelur, është e rëndësishme të përdoren tek të moshuarit, jo tek politikanët, gratë e tyre ose të famshëm vendas”, i tha Kurz Kronen Zeitung. Zemërimi i tij ishte drejtuar ndaj raporteve të kryetarëve të bashkive dhe drejtuesve të komunitetit në rrethet e Feldkirch, Rankwel, Bregenzerwald dhe Montafon “kaluan radhën” për vaksinimin së bashku me të famshëm vendas në Bregenz, raporton Die Presse, përcjell tutje albinfo.at