Zvicër: 14.2 miliardë franga shtesë për fondin e të papunëve

Këshilli Federal do të paraqesë në parlament një kredi shtesë prej mbi 14 miliardë frangash për këtë destinim

Qeveria Federale ka vendosur: Fondi i papunësisë do të mbështetet përsëri me 14.2 miliardë franga, shkruan srf.ch Rritja e numrit të atyre që kanë punuar me kohë të shkurtër ka bërë që fondi për kompensimin material të të papunëve të futet në borxhe të thella, transmeton albinfo.ch.

Për të shmangur një rritje të detyruar të kontributeve që hiqen nga pagat për të rritur fondin në fjalë, Këshilli Federal do të paraqesë në parlament një kredi shtesë prej mbi 14 miliardë frangash për këtë destinim.

Sidoqoftë, me zbutjet e fundit të masave shtrënguese, e drejta për punë me kohë të shkurtër  në Zvicër përsëri po kufizohet, përcjell albinfo.ch. E drejta për punë me kohë të shkurtër në përgjithësi skadon në fund të majit për njerëzit në pozitat e punëdhënësve, për bashkëshortët kur punojnë të dytë dhe për nxënësit që ndjekin mësimet për zanate.

“Kjo ndodh në hap me heqjen e masave COVID në ldihje me humbjen e fitimeve për njerëzit e vetë-punësuar të prekur direkt ose indirekt”.

 

---