Zvicër: 2396 infeksione të reja dhe 66 vdekje nga Covid-19

Mesatarja 7 ditore është 47 të vdekur në ditë. Kjo është 20 për qind më pak se në javën e kaluar

Zyra Federale e Shëndetit Publik ka raportuar sot 2396 raste të reja që kanë rezultuar pozitive për virusin korona në 24 orët e fundit. Mesatarja e 7 ditëve tüe kaluara është 2535 ose për 21 për qind më pak se në javën e kaluar, shkruan srf.ch.

Trendi aktualisht është në rënie. Shkalla pozitive mesatare 7 ditore aktualisht është 13.1 për qind. Krahasuar me javën e kaluar, norma pozitive është ulur për 3 pikë përqindjeje, transmeton albinfo.ch.

Numri i testimeve në një mesatare 7-ditore është 22,869 teste në ditë dhe kështu është rritur për 5 për qind krahasuar me javën e mëparshme.

BAG raporton gjithashtu 66 raste të reja të vdekjeve në 24 orët e fundit, përcjell albinfo.ch. Mesatarja 7 ditore është 47 të vdekur në ditë. Kjo është 20 për qind më pak se në javën e kaluar.

BAG aktualisht raporton 2,148 njerëz që po trajtohen në spitale për Covid-19. Kjo është 13 për qind më pak se në javën e kaluar. Shtretërit e kujdesit intensiv të çertifikuar në spitalet zvicerane janë aktualisht 89.0 përqind të mbushura. Ndërsa, përfshirë edhe shtretërit ad-hoc, niveli i shfrytëzimit është 79.0 përqind.

---