Lajme

Zvicër: 437 infeksione të reja dhe asnjë i vdekur

Numri i pranimeve në spital është 9 persona në ditë në 7 ditët e fundit, që është 12 për qind më pak se në javën e kaluar

E mërkurë, 23 Shtator 2020 - 16:50 albinfo.ch
(KEYSTONE/Laurent Gillieron)

Zyra Federale e Shëndetit Publik (BAG) ka raportuar sot 437 raste të reja që kishin rezultuar pozitive pas testimit për koronavirus, shrkuan srf.ch

Kjo e rrit mesataren e 7 ditëve në 415, që është për 2 përqind më shumë se në javën e kaluar.

Shkalla pozitive që rezulton mesatarisht nga testet e bëra në 7 ditët e fundit aktualisht është 3.9 për qind.

Mesatarisht gjatë shtatë ditëve të kaluara janë realizuar nga 12,154 teste në ditë, ose  7 për qind më pak se javën e kaluar, transmeto albinfo.ch.

BAG nuk raporton ndonjë të vdekur të ri nga koronavirusi. Numri i pranimeve në spital është 9 persona në ditë në 7 ditët e fundit, që është 12 për qind më pak se në javën e kaluar.

Zvicra aktualisht ka tejkaluar në 14 ditët e fundit, kufirin prej  60 infeksioneve të reja për 100,000 banorë, në nivel federal.

 Të ngjashme

“Tri Net Film Fest” në udhë të mbarë të pjekurisë së vet artistike

 Të tjera nga Lajme

Linjat telefonike pediatrike në kantone për të shmangur mbipopullimin e urgjencave

 E-Diaspora

 Jeta në Zvicër