Zvicër: BAG raporton 87,278 raste në 72 orët e fundit

Aktualisht janë 230 pacientë me Covid-19 në kujdes intensiv ose 15 për qind më pak krahasuar me javën e kaluar. BAG raporton 35 raste të reja të vdekjeve

Zyra Federale e Shëndetit Publik (BAG) ka raportuar 87,278 raste të reja që kanë rezultuar pozitive për koronavirusin në 72 orët e fundit (gjatë fundjavës).
Kjo e vendos mesataren 7-ditore në 32,354 që është 23 për qind më shumë se në javën e kaluar, transmeton albinfo.ch.

Në trendin aktual, mesatarja 7-ditore e infeksioneve të reja dyfishohet afërsisht në çdo 24 ditë. Incidenca 14-ditore aktualisht është 4659.81, shkruan srf.ch.

BAG ka raportuar 247 pranime të reja në spital, mesatarja 14-ditore e të cilave është 96 në ditë.

1904 persona aktualisht po trajtohen në spital për Covid-19. Kjo është 3 për qind më shumë se në javën e kaluar.

Aktualisht janë 230 pacientë me Covid-19 në kujdes intensiv ose 15 për qind më pak krahasuar me javën e kaluar.

BAG raporton 35 raste të reja të vdekjeve. Mesatarja 7-ditore është 13 vdekje në ditë.

---