Zvicër: Deputetët bëjnë thirrje për ndalimin e disa racave të rrezikshme të qenve

Lajmi se një Rottweiller sulmoi dhe kafshoi rëndë dy fëmijë dhe disa të rritur në Cyrih në fillim të kësaj jave, ndezi një debat, si dhe një mocion, në Parlament, me deputetët që kërkonin rregulla më të mira të racave të rrezikshme, përcjell albinfo.ch.

“Rastet e kafshimit tregojnë se qentë e rrezikshëm janë një problem real në vendin tonë”, tha deputeti Piero Marchesi, i cili, si shumë deputetë të tjerë, kërkon rregulla më të rrepta për racat e rrezikshme.

“Në të ardhmen, nuk duhet të jetë më në dorën e kantoneve të vendosin nëse një racë qensh konsiderohet e rrezikshme. Në vend të kësaj, duhet të përcaktohet në nivel kombëtar se cilat raca qensh janë të ndaluara dhe cilat kërkojnë një leje të veçantë”.

Një tjetër deputet, megjithatë, tha se ndërsa incidenti i Cyrihut “është tragjik, fatkeqësisht nuk ka më pak incidente në kantonet me rregullore më të larta se në ato me rregullore më të ulëta”.