Zvicër: 197 të vdekur dhe 12.200 të infektuar nga koronavirusi

Ndërsa, sipas platformës worldometers.info/coronavirus/, në Zvicër tashmë janë 207 viktima

Siç njofton Zyra Federale për Shëndetin Publik (BAG) umri i rasteve të vërtetuara të infekstimit me koronavirus në Zvicër tashmë është ngritur në 12.200, shkruan srf.ch. Bëhet fjalë për 1390 raste më shumë se një ditë më parë ose për ngritjen më të madhe deri tani brenda 24 orëve.

Një rritje e madhe është regjistruar edhe sa i përket numrit të të vdekurve nga Covid-19, transmeton albinfo.ch. Sipas BAG deri më tani kjo epidemi u ka marrë jetën 197 personave në Zvicër. Ndërsa, sipas Worldmeter.info, tashmë janë 207 viktima.

Edhe BAG ka deklaruar se numri i të vdekurve që është proklamuar nga ai, mund të jetë i ndryshëm në njoftimet që vijnë nga kantonet, përcjell albinfo.ch. Por, Zyra Federale në fjalë, në numërimin e saj mbështetet në të dhënat që merr nga laboratorët përkatës dhe nga mjekët.

BAG thotë se deri më tani në Zvicër janë realizuar 97.012 teste për koronavirus.

 

---