Zvicër: Edhe familjet me të ardhura më shumë se 10,000 CHF në muaj po ankohen

(KEYSTONE/Michael Buholzer)

Klasa e mesme në Zvicër po e ndjen shtrëngimin financiar.

Rezultatet e fundit nga Barometri i Familjes Zvicerane tregojnë se edhe ato familje me të ardhura familjare prej më shumë se 10,000 CHF në muaj thonë se u mbetet pak pasi të jenë paguar të gjitha faturat, shkruajnë mediat zvicerane, përcjell albinfo.ch.

Kreu i grupit të presionit Pro Familia, Philippe Gnaegi, thotë se është një thirrje zgjimi kur 80% e njerëzve në vendin më të pasur në botë janë kaq pesimistë.

Anketa tregon se 76% e familjeve nuk janë në gjendje të kursejnë 500 CHF të rekomanduara në muaj dhe 30% nuk janë në gjendje të kursejnë asgjë.