Zvicër, edhe një javë me vranësira dhe shi

Mot i keq do të zgjasë deri në fund të javës së tjetër, (16 korrik)

Meteorologët zviceranë thonë se edhe java e ardhshme do të ketë vranësira dhe shira që bien në shumë pjesë të Zvicrës, veçanërisht në rajonet frëngjishtfolëse, transmeton albinfo.ch.

Shkaku i motit të lig thonë se vjen nga sistemi aktiv i presionit të ulët nga Ishujt Britanikë në Pirenej “që sjell re, lagështi, shi dhe stuhi nga Franca në Gjermani përmes Alpeve”, sipas MeteoNews.

Meteorologët parashikojnë që ky mot i keq do të zgjasë deri në fund të javës së tjetër, (16 korrik) dhe moti i verës pritet të kthehet pas kësaj date. /Albinfo.ch

---