Zvicër: Infeksionet vazhdojnë të rriten ndjeshëm

6294 raste ose 39 për qind më shumë se në javën e kaluar. Janë 45 pacientë me Covid-19 në kujdes intensiv që është 6 për qind më pak se një javë më parë

Zyra Federale e Shëndetit Publik (BAG) ka raportuar sot 46,025 raste të reja që rezultuan pozitive me koronavirus gjatë javës së fundit.

Kjo e vendos mesataren 7-ditore në 6294 që është 39 për qind më shumë se në javën e kaluar, trasnmeton albinfo.ch. Në trendin aktual, mesatarja 7-ditore e infeksioneve të reja dyfishohet afërsisht çdo 15 ditë.

Incidenca 14-ditore është aktualisht 760.46.

BAG raporton 455 shtrime të reja në spital, mesatarja 14-ditore e të cilave është 43 në ditë. 1045 persona aktualisht po trajtohen në spital për Covid-19 ose 23 për qind më shumë se në javën e kaluar.
Aktualisht janë 45 pacientë me Covid-19 në kujdes intensiv. Kjo është 6 për qind më pak krahasuar me javën e kaluar.

Shtretërit e kujdesit intensiv në spitalet zvicerane (përfshirë shtretërit ad hoc) janë aktualisht 72 për qind të zënë. 6 për qind e shtretërve të kujdesit intensiv janë të zënë nga pacientët me Covid 19.
BAG raporton 13 raste të rja të vdekjes nga Covid-19.

---