Zvicër: Pluhuri i Saharasë po ikën, pranvera po vjen

Ditëve në vijim Zvicra do të ketë ajër më të pastër nga verilindja dhe grimcat e pluhurit dhe rërës do të barten në Evropën perëndimore dhe jugperëndimore

Pranvera kalendarike fillon të dielën – dhe nga e hëna mund të pritet mot me diell, i thatë dhe i butë, pranveror. Qielli do të jetë gjithashtu i pastruar nga pluhuri i Saharasë që e kishte cilësuar  tash disa ditë dhe, i kaltër e pa re, shkruan sda.ch.

Sipas SRF Meteo, nga e hëna, dielli do të shkëlqejë kryesisht i pakufizuar, në të dy anët e Alpeve, në jug dhe në veri të vendit, transmeton albinfo.ch. Temperaturat lokale do të rriten nga 16 deri në 19 gradë.

Megjithatë, moti ftohet shpejt, pas perëndimit të diellit: “Temperaturat e ulëta në ultësira ndonjëherë arrijnë deri në kufirin e ngricave”.

Pa shi dhe pa pluhur

Këto parashikime nënkuptojnë se thatësia do të vazhdojë. Sipas MeteoNews Schweiz nuk ka asnjë shenjë të reshjeve që vlen të përmendet.

“Sipas orarit aktual të motit, ky muaj është “në rrugë për tu bërë marsi më i thatë që nga fillimi i regjistrimit të temperaturave”.

Por, tani për tani, pluhuri i Saharasë është ende në ajër. Prandaj, për momentin parashikimi do të mbetet paksa i turbullt, kanë thënë të premten në MeteoSwiss, përcjell albinfo.ch. Megjithatë Në Valais, qielli është përsëri më blu, por bora është e verdhë në kafe”.

Dhe sipas MeteoNews Schweiz, në ditët në vijim Zvicra do të ketë ajër më të pastër nga verilindja dhe grimcat e imta të pluhurit dhe rërës do të barten në Evropën perëndimore dhe jugperëndimore.

---