Zvicër: Rastet me Covid-19 janë ende në rritje

(KEYSTONE/Christian Beutler)

Autoritetet zvicerane kanë regjistruar një rritje të madhe të infeksioneve të reja të konfirmuara Covid, por situata në spitale është nën kontroll, përcjell albinfo.ch.

Sipas ekspertëve, supozohet se numri real i infeksioneve të reja, por jozyrtarisht, është shumë më i lartë.

Të martën, ministri i Brendshëm, Alain Berset, u tha gazetarëve se rritja e fundit e rasteve ishte e pritshme, por nuk kishte arsye për alarm, pasi situata në spitale ishte nën kontroll. Vetë Berset u testua pozitiv për Covid të mërkurën, sipas një deklarate të qeverisë.

Ai anuloi një vizitë të planifikuar në Nju-Jork për të marrë pjesë në një takim të një organi të Kombeve të Bashkuara dedikuar ekskluzivisht për promovimin e barazisë gjinore dhe fuqizimin e grave.

Qeveria zvicerane hoqi shumicën e kufizimeve shëndetësore të lidhura me Covid-in në fillim të shkurtit. Dy masat e mbetura – mbajtja e maskave higjienike në transportin publik dhe periudha pesëditore e izolimit për pacientët me Covid – do të hiqen në fund të marsit, përcjell tutje albinfo.ch.