Lajme
“Viza ekspres” viktimave të tërmetit për t’u strehuar te familjarët në Zvicër
Aktualisht është ende duke u sqaruar se në çfarë shkalle marrëdhëniesh familjare njerëzit konsiderohen "të afërm"
Pasi që mijëra njerëz kanë ngelur të pastrehë në Turqi dhe Siri pas tërmetit të rëndë që ka ndodhur atje ditë më parë, Qeveria federale tani planifikon t’u japë përparësi aplikimeve për viza nga shtetasit turq dhe sirianë që kanë të afërm në Zvicër, transmeton albinfo.ch.
Departamenti i Punëve të Jashtme po ashtu po dërgon staf shtesë në Stamboll për të ofruar mbështetje.
Viktimat e tërmetit, që kanë të afërm të afërt në Zvicër, mund të përfitojnë nga oferta.
Lehtësimit të procedurës së vizave për kategorinë e përmendur e ka konfirmuar Reto Kormann, zëvendësshef i komunikimit në Sekretariatin Shtetëror për Migracionin, për 20 minuten. Ky opsion ekziston edhe për sirianët e prekur – por ndryshe nga Turqia, ka shumë më pak qytetarë sirianë që jetojnë në Zvicër.
Personat që kanë humbur shtëpinë ose banesën si pasojë e tërmetit të rëndë të së hënës mund të përfitojnë nga oferta, transmeton albinfo.ch. Prandaj ata tani do të kenë mundësi të jetojnë me të afërm të afërt në Zvicër për momentin. Për këtë, ata mund të paraqiten në Konsullatën e Përgjithshme të Zvicrës në Stamboll ose në Ambasadë në Bejrut me një të ashtuquajtur “Formulari i Fast Track” për arsye urgjente mjekësore.
Aktualisht është ende duke u sqaruar se në çfarë shkalle marrëdhëniesh familjare njerëzit konsiderohen “të afërm”.
Staf shtesë për Konsullatën në Stamboll
Këto aplikacione më pas do të shqyrtohen me kujdes në Zvicër. Për të përballuar barrën shtesë të pritshme, Departamenti i Punëve të Jashtme dhe Sekretariati Shtetëror për Migracionin njoftuan se do të dërgojnë staf shtesë në Stamboll.
Ende duhet të shqyrtohet nëse qasja zvicerane është në përputhje me ligjin Shengen, përcjell albinfo.ch. Në përgjithësi, ka ende disa pyetje që duhen sqaruar gjatë zbatimit, shkruhet në përgjigjen e Departamentit të Drejtësisë.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën