Zviceranët e vaksinuar lejohen të “bëjnë pazar” në Gjermani

Mbrojtja e siguruar nga vaksinimi njihet nëse kanë kaluar 14 ditë nga vaksinimi i fundit i detyrueshëm

Që nga e hëna, në landin gjerman Baden-Württemberg kanë hyrë në fuqi rregulla të zbutura të hyrjes së të huajve në vend. Si rezultat, zviceranët që janë vaksinuar plotësisht tani mund të blejnë përsëri matanë kufirit, në Gjermani.

Siç shkruan gazeta “Südkurier”, “njerëzit e vaksinuar plotësisht dhe ata që kanë kaluar sëmundjen midis 21 ditësh dhe tre muajsh më parë mund të hyjnë në Baden-Württemberg dhe të lëvizin lirshëm, pa qenë e nevojshme të hyjnë në karantinë, transmeton albinfo.ch.

Megjithatë, sa i përket rastit të fundit (për ata që kanë kaluar sëmundjen), është i nevojshëm një test PCR.

Përveç kësaj, hyrja e thjeshtuar lejohet vetëm për njerëzit pa simptoma. Personat e vaksinuar, të cilët kanë pasur kontakt me një person të infektuar, nuk kanë nevojë të izolohen më.

Mbrojtja e siguruar nga vaksinimi njihet nëse kanë kaluar 14 ditë nga vaksinimi i fundit i detyrueshëm.

Megjithatë, përjashtimi nga karantina nuk vlen për ata që vijnë nga zonat e variantit të ri të virusit.

Kjo vlen edhe për drejtimin tjetër, nga Gjermania në Zvicër: Personat e vaksinuar plotësisht ose ata që kanë marrë një dozë dhe kanë kaluar Covid-19 në të kaluarën, lejohen të hyjnë pa karantinë, përcjell albinfo.ch. Por kjo nuk vlen për njerëzit nga zona me rrezik të lartë, si Saksonia ose Thüringeni.

---