Tematike
Zviceranët nuk duan dorëzimin e armëve

Dhjetë vjet më parë, stilistja e flokëve, Christine Dousse, frikësohej nga armët. Pastaj vajza e bindi që të shkonte në një poligon armësh. Tani ajo shkon dy herë në javë për të ushtruar shtënien me armë.
Dousse dhe më shumë se 500 anëtarë të tjerë të poligonit në Romont besojnë se trashëgimia e tyre është në rrezik nga rregullat e reja për përdorimin e armëve që zviceranët pritet t’i përkrahin në referendumin e së dielës.
“Kur jam e shtrirë dhe kam përballë cakun, nuk e di si ta përshkruaj këtë moment, por më ndihmon të harroj ditën e keqe. Më ndihmon që të heq stresin dhe gjërat negative nga mendja”, thotë Christine për Reuters, transmeton albinfo.ch.
Edhe pse Zvicra ka më së shumti banorë që janë të pajisur me leje për armëmbajtje në Evropë, sontazhet tregojnë se dy nga tre votues përkrahin kontrollin e armëve nga Bashkimi Evropian që prej sulmit terrorist në Paris gjatë vitit 2017.
Ligjet e reja evropiane e bëjnë më të vështirë blerjen e armëve gjysmautomatike dhe më të lehtë kontrollin e tyre nëpërmjet databazës.
Parlamenti dhe Qeveria zvicerane përkrahin ligjet e reja, por entuziastët frikësohen se ky është një hap drejt çarmatosjes së tyre.
Zvicra duhet të pranojë ligjet e reja të armëmbajtjes nëse dëshiron të jetë pjesë e Schengenit, përndryshe armët e ndaluara shumë lehtë mund të arrijnë nëpër BE nga dyqanet zvicerane.
“Qeveria po tenton të frikësojë njerëzit për të pranuar këtë ligj, por për mua është ligj qesharak”, thotë Dousse.
Oliver Curty që përdor armët që prej moshës 12-vjeçare, thotë se ky është veç një hap për ndalimin e armëve.
Propozimi i BE-së ka nxitur reagim të madh në Zvicër, pasi me këtë ligj i jepet fund mundësisë që veteranët të mbajnë armët edhe pas pensionimit nga shërbimi ushtarak.
Sipas statistikave të vitit 2017, shtetasit zviceranë janë pronarë të 2.3 milionë armëve.
Në Shtetet e Bashkuara, si krahasim, popullsia prej 326 milionë ka në pronësi 393 milionë armë.
E-Diaspora
-
Konsullata e Kosovës në Shtutgart: Nuk ka informacione për viktima nga Kosova Pas aksidentit hekurudhor të ndodhur pranë qytetit Riedlingen në landin gjerman të Baden-Württemberg, ku një tren...
-
Veshalla e Tetovës mirëpret mërgimtarët në manifestimin tradicional “Votra jonë na bashkon”
-
Tragjedi në Ujman: Humb jetën mërgimtari 33 vjeçar pasi kërceu nga ura
-
Shqiptarët në Maqedoni të përjashtuar nga anketa zyrtare për diasporën
-
NZZ shkruan për ambasadorin e Kosovës në Bern, Mentor Latifin
Jeta në Zvicër
-
Zvicra nën reshje intensive, paralajmërime për përmbytje dhe rrëshqitje dheu në disa rajone Fillimi i javës ka sjellë një mot të ashpër dhe reshje të dendura në shumë pjesë...
-
Zvicër: Atraksionet që mbartin më shumë sasi rreziku
-
Sondazhi: Ja çfarë e bën Zvicrën të veçantë
-
Mbi 10,000 njerëz në mes të shiut, morën pjesë në Paradën e Liqenit të Gjenevës
-
Shi i rrëmbyeshëm në Zvicër: 160 raportime në Aargau, situatë e tensionuar në Glarus