Zviceranët sjellin standarde të reja për sigurinë e ndërtesave pas tërmeteve në Shqipëri

Projekti zviceran: 50 ekspertë dhe 200 inxhinierë për vlerësimin e ndërtesave pas tërmeteve

Pas një tërmeti, një nga detyrat më urgjente është vlerësimi i dëmeve në ndërtesa dhe garantimi i sigurisë për banorët. Për këtë arsye, një projekt i përbashkët zviceran me Institutin e Ndërtimit dhe Agjencinë Kombëtare të Mbrojtjes Civile ka nisur kursin e parë të trajnimit për ekspertët vendas, transmeton albinfo.ch.

Në këtë trajnim u prezantuan procedura moderne dhe standarde të reja që do të ndihmojnë në një vlerësim më të shpejtë dhe më të saktë të gjendjes së ndërtesave pas fatkeqësive natyrore.

Kapacitetet që do të forcohen përmes këtij projekti përfshijnë:

• 50 ekspertë të fushës,

• 200 inxhinierë civilë,

• 12 prefektura në gjithë vendin.

Ky program synon rritjen e aftësive profesionale dhe krijimin e një rrjeti të qëndrueshëm të specialistëve që do të jenë të gatshëm të veprojnë në rast emergjencash.

Agjencia Kombëtare e Mbrojtjes Civile dhe partnerët zviceranë e kanë cilësuar këtë hap si një investim jetik për sigurinë publike dhe parandalimin e humbjeve njerëzore në të ardhmen./Albinfo.ch

---