Zviceranët të parët zgjodhën Shqipërinë për pushime

Që nga viti 2005, të parët ishin zviceranët, të cilët zgjodhën Shqipërinë për të kaluar pushimet. Këtë vit rreth 6 mijë turistë vizituan bregdetin shqiptar.

Ndërsa, në vitin 2013 numri i turistëve arriti në 40 mijë. Por, me kalimin e viteve numri i turistëve që vizitojnë Shqipërinë është rritur, duke arritur në 90 mijë. Në vitin 2014 pritet që të ketë akoma një numër më të madh turistësh nga Italia.

Këto të dhëna i ka bërë publike Benko Gjata, përfaqësuesi i Shoqatës Kulturore Italo-Shqiptare “Vatra” në një reportazh dedikuar turizmit në Shqipëri, transmeton Shekulli.
Rritja e numrit të turistëve italianë që vizitojnë Shqipërinë ka ardhur edhe për shkak të nxjerrjes së një guide prej 180 faqesh, të shkruar në gjuhën italiane dhe flet për vendet turistike në Shqipëri. 

„Shqipëria është një vend i bukur, jo sepse ai ka lindur atje, por me të vërtetë është një vend i mrekullueshëm që duhet zbuluar nga italianët edhe më shumë. Vendi mbetet një destinacion turistik pak i njohur dhe interesant në Mesdhe“, thotë Gjata.

Blogje të ndryshme në Shqipëri vazhdojnë të reklamojnë ujin e pastër, klimën, mikpritjen, pastërtinë dhe sigurinë.