Zviceranët ushqehen jashtë vendit dhe dëmtojnë Zvicrën për 4 miliardë franga!

Një e treta e të anketuarve kanë thënë se gjatë tre muajve të fundit kanë qenë në shtetet fqinje për të ngrënë me çmime me të lira

Se zviceranët kalojnë me shumë dëshirë kufirin për të bërë furnizimet me artikuj jetësorë në Gjermani, Francë apo Itali me çmime dukshëm më të lira, është një fakt shumë i njohur dhe nuk paraqet asgjë të re.

Por, së fundi është regjistruar edhe një trend i rritjes së numrit të zviceranëve që në vendet matanë kufirit shkojnë edhe për të vizituar restorantet e atjeshme, për të ngrënë dhe për të pirë.

Këtë trend e ka treguar një studim i realizuar me porosi të Federatës së degës së gastronomisë Gastrosuisse, që është publikuar sot.
Studimi tregon se një e treta e të anketuarve kanë thënë se gjatë tre muajve të fundit kanë qenë në shtetet fqinje për të ngrënë me çmime me të lira, shkruan srf.ch.

Nga kjo, Gastrosuisse vlerëson se restorantet zvicerane janë dëmtuar me rreth 4 miliardë franga në qarkullimin e tyre.

Për të përmirësuar situatën e gastronomëve, Gastrosuisse veç tjerash kërkon zgjatje të orarit të punës për personalin e vet.