Zvicerani në krye të OSBE-së, prioritet, Ballkanin Perëndimor

Diplomati Gérard Stoudmann gjatë dy viteve të shërbimit të tij do të mbajë titullin e të ngarkuarit të posaçëm të OSBE-së për Ballkanin Perëndimor

Vitin që vjen, Zvicra do ta marrë kryesimin e OSBE-së (Organizata Evropiane për Siguri dhe Bashkëpunim). Dhe kreu që Zvicra do t`ia japë kësaj organizate për dy vite rresht është diplomati Gérard Stoudmann.

Me të marrë këtë post, përfaqësues nga Departamenti zviceran  punëve të jashtme kanë theksuar se angazhimi për pajtimin dhe bashkëpunimi në mes të vendeve të ish Jugosllavisë do të jenë ndër prioritetet e Zvicrës gjatë mandatit në krye të OSBE-së.

Dhe për të vënë theksin në rëndësinë që Zvicra i jep këtij lloji të angazhimit, diplomati Gérard Stoudmann gjatë dy viteve të shërbimit të tij do të mbajë titullin e të ngarkuarit të posaçëm të OSBE-së për Ballkanin Perëndimor.

Stoudmann njihet si diplomat me përvojë dhe negociues i shkathtë, shkruan zentralplus.ch. Aktualisht ai është i angazhuar si ambasador i jashtëzakonshëm në vendin afrikan të kapluar nga kriza, Mali.

Zvicra, kreun e OSBE-së e ndan së bashku me Serbinë. Duke njohur rolin e Zvicrës në Kosovë, në mediet e këtushme janë shprehur dyshime lidhur me mundësinë e bashkëpunimit në mes të Zvicrës dhe Serbisë në kreun e kësj organizate.