Zvicra, atraktive për krimin e organizuar

(KEYSTONE/Anthony Anex)

Vendet evropiane po i bëjnë thirrje Zvicrës që të veprojë shpejt kundër krimit të organizuar, i cili është në lëvizje të plotë në nivel evropian.

Drejtoresha e Fedpol Nicoletta della Valle shprehet se vendi mbetet tepër tërheqës në këtë fushë.

“Kolegët tanë nga Holanda dhe Belgjika na thonë të mos presim. Ata besojnë se ata vetë nuk kanë luftuar mjaft herët dhe se Zvicra duhet të veprojë tani”, vazhdon ajo, shkruan RTS.

Përveç tjerash, Zvicra është atraktive jo vetëm për strehim, por edhe si qendër e trafikut të drogës, armëve, madje edhe qenieve njerëzore, si dhe për vjedhje apo sulme në bankomate.

Edhe nëse është ende mjaft i matur, krimi i organizuar është shumë komod në Zvicër, thotë ajo.

Për të ndryshuar trendin, komunikimi, veçanërisht shkëmbimi i informacionit me kantonet, duhet të përmirësohet.

Sepse njohuritë aktuale për krimin e organizuar në vend mund të tregojnë vetëm majën e ajsbergut.

“Nuk është se në një rajon ende nuk kemi identifikuar një qelizë Ndrangheta, për shembull, nuk ka”, komenton kreu i Fedpol, i cili thotë se punon me mjetet që i vë në dispozicion politika, përcjell albinfo.ch.

Së fundi, rekomandohet të veprohet edhe “me parandalim, duke i dëbuar kriminelët apo duke i ndaluar hyrjen në Zvicër”.