Zvicra dëshiron të intensifikojë bisedimet me BE-në

(KEYSTONE/Sigi Tischler)

Qeveria zvicerane ka vendosur të “rrisë” bisedimet eksploruese me Bashkimin Evropian që synojnë zgjidhjen e mosmarrëveshjeve në lidhje me marrëdhëniet e ardhshme dypalëshe, transmeton albinfo.ch.

Zvicra ka refuzuar vazhdimisht kërkesat e BE-së për të zëvendësuar një sërë traktatesh të veçanta me një grup të unifikuar rregullash. Në maj të vitit të kaluar, Zvicra u largua nga këto negociata me arsyetimin se votuesit kishte të ngjarë të refuzonin një marrëveshje të tillë. Që atëherë, marrëdhëniet politike kanë mbetur të ftohta me të dyja palët që akuzojnë tjetrën për mosfleksibilitet.

Diplomatët janë takuar zyrtarisht dy herë në një përpjekje për të zgjidhur ngërçin dhe qeveria zvicerane tani ka treguar se dëshiron të intensifikojë ritmin e këtyre diskutimeve, transmeton tutje albinfo.ch.