Zvicra i dhuron 100 milionë franga Ukrainës

Ndihma u dhurua në mënyrë që ukrianasit të kenë më të lehtë përballimin e dimrit

Zvicra para disa ditësh ndau 100 milionë franga për të ndihmuar Ukrainën gjatë dimrit, përcjell albinfo.ch.

Vlen të theksohet se kjo shumë ka për qëllim financimin e projekteve për restaurimin urgjent të infrastrukturës energjetike.

Për momentin, 18 milionë njerëz në Ukrainë kanë nevojë për mbështetje për shkak të luftës. Ky numër mund të shkojë në 24 milionë me ardhjen e sezonit të ftohtë.

Situata humanitare në Ukrainë është përkeqësuar më tej në javët e fundit, për shkak të sulmeve të synuara nga rusët në infrastrukturën energjetike.

 

---