Zvicër: Së shpejti, 600 stacione të reja të mbushjes për automjetet elektrike

@pixabay

Kompania zvicerane e energjisë BKW ka bashkuar forcat me firmën franceze Electra për të instaluar 600 stacione të mbushjes së shpejtë për automjetet elektrike në 100 lokacione të ndryshme në Zvicër.

Sistemi do të dalë në përdorim gjatë tre vjetëve të ardhshme, shkruan swissinfo.

Sipas njoftimit nga BKW, me bazë në Paris, Electra është e përfaqësuar në tetë vende evropiane, teksa kompania ka operuar në Zvicër që nga maji dhe synon të krijojë rrjetin më të gjerë të rimbushjes në Evropë, përcjell albinfo.ch.

Detajet financiare të partneritetit nuk janë bërë të ditura, ndërsa sipas njoftimit për shtyp, BKW do të kontribuojë me përvojën e saj në “planifikimin dhe instalimin” e stacioneve të rimbushjes.