Zvicra fillon misionin, gjithçka që duhet të dini

Disa statistika për Përfaqësuesen helvetike, që ka tre shqiptarë në radhët e saj

Zvicra sot nis misionin në Euro 2020, me shpresa të mëdha për rezultate pozitive.

Nati ndodhet në Grupin A. E nis me Uellsin (sot) për të vazhduar me Italinë dhe Turqinë, shkruan albinfo.ch.

Trajner është Vladimir Petkoviq, kurse kapiten Granit Xhaka. Nofka është Die Nati. Suksesi më i madh në Evropian është në raundin e 1/8, pikërisht në Evropianin e kaluar.

Zvicra luan futboll sulmues nën drejtimin e Vladimir Petkoviq. Trajneri mbështetet në një mbrojtje prej tre personash, plus një mesfushë katër, me Granit Xhaka në krye dhe Xherdan Shaqiri duke siguruar kreativitetin menjëherë pas sulmit. Një lojtar që mund të dalë nga bankina dhe të marrë një frymë të freskët është 22-vjeçari Ruben Vargas.

Lojtari kryesor shihet mesfushori shqiptar, Granit Xhaka. Ai do të jetë kapiten, përcjell tutje albinfo.ch.

Xhaka thotë se ai ka paketuar mjaft rroba për gjithë kohëzgjatjen e turneut – kështu që ai beson se Zvicra mund të shkojë shumë larg. Sigurisht, ata nuk janë një nga favoritët, por ekipi padyshim që ka cilësinë dhe talentin për të arritur në raundet e fundit. Gjëja e parë në mendjet e tyre, sidoqoftë, duhet të jetë kalimi në fazën e grupeve.

Kjo është hera e parë që Zvicra merr pjesë në një Evropian. Hera e parë ishte më 1996, derisa herën e fundit kaloi grupet. Suksesi më i madh deri më tani. Në Francë barazuan 1:1 me Poloninë, por në penallti fituan polakët. Xherdan Shaqiri shënoi një super gol.

Zviceranët prenotuan vendin e tyre në UEFA EURO 2020 duke përfunduar të parët në Grupin D, duke marrë 17 pikë nga tetë ndeshjet e tyre. Ata fituan katër nga pesë ndeshjet e tyre të fundit, duke shënuar 13 gola dhe pësuar vetëm dy.

Një humbje 1-0 ndaj Danimarkës në tetor 2019 është humbja e vetme e Zvicrës në 14 ndeshjet e fundit EURO, kualifikuese dhe turneu përfundimtar së bashku.

Zvicra përfundoi e katërta në Ligën inauguruese të Kombeve të UEFA-s në 2019, duke humbur 3-1 ndaj nikoqirëve dhe kampionit eventual Portugalisë në gjysmëfinale dhe 6-5 në penallti ndaj Anglisë në play-offin e vendit të tretë pas 120 minutash pa gola.

Kjo është vetëm loja e dytë e Zvicrës në Baku; ata humbën 1:0 nga Azerbajxhani në 31 gusht 1996 në hapjen e tyre kualifikuese të Kupës së Botës 1998.

Të ftuarit

Portierët: Yvon Mvogo (PSV), Jonas Omlin (Montpellier), Yann Sommer (Mönchengladbach)

Mbrojtësit: Manuel Akanji (Dortmund), Loris Benito (Bordeaux), Eray Cömert (Basel), Nico Elvedi (Mönchengladbach), Jordan Lotomba (Nice), Kevin Mbabu (Wolfsburg), Becir Omeragic (Zürich), Ricardo Rodríguez (Torino), Fabian Schär (Neëcastle), Silvan Ëidmer (Basel)

Mesfushorët: Christian Fassnacht (Young Boys), Edimilson Fernandes (Mainz), Remo Freuler (Atalanta), Xherdan Shaqiri (Liverpool), Djibril Soë (Frankfurt), Ruben Vargas (Augsburg), Granit Xhaka (Arsenal), Denis Zakaria (Mönchengladbach), Steven Zuber (Frankfurt)

Sulmuesit: Breel Embolo (Mönchengladbach), Mario Gavranović (Dinamo Zagreb), Admir Mehmedi (Wolfsburg), Haris Seferović (Benfica)

---