Zvicra jep 8.4 milionë franga për furnizim me ujë

Marrëveshjen e ka nënshkruar ministri i Zhvillimit Ekonomik, Besim Beqaj, dhe Ambasadori i Zvicrës në Prishtinë, Lukas Beglinger　

Qeveria e Kosovës ka nënshkruar marrëveshje bashkëpunimi me Konfederatës Zvicerane, e cila ka për qëllim dhënien e asistencës financiare për projektin e furnizimit me ujë në Kosovën Juglindore në vlerën prej 8 milionë e 400 mijë franga zvicerane.

Në emër të Qeverisë së Kosovës, marrëveshjen e ka nënshkruar ministri i Zhvillimit Ekonomik, Besim Beqaj, ndërsa në emër të Qeverisë zvicerane na Ambasadori i Zvicrës në Prishtinë, Lukas Beglinger.

Ministri Beqaj, pas nënshkrimit të marrëveshjes shpjegoi se projekti përfshin furnizimin me ujë për pjesën juglindore të Kosovës, për Komunën e Ferizajt dhe të Gjilanit. “Ky projekt ka për qëllim ngritjen e infrastrukturës, por edhe ngritjen e menaxhimit në këto ndërmarrje dhe në kohën kur ky projekt 　të përfundojë, kompanitë të jenë të gatshme që të jenë të vet qëndrueshme, të mos kenë nevojë për ndihmë nga shteti por as nga donatorët “, tha Beqaj.