Zvicra jep bursa për të interesuarit për doktoraturë

Ambasada e Zvicrës në Maqedoninë e Veriut ka njoftuar se jep bursa për studentët e huaj, të cilët janë të shkëlqyeshëm në mësime.

Përmes Komisionit Federal për Bursa për Studentë të Huaj (FCS), Konfederata Zvicerane jep bursa të ndryshme pasuniversitare për studiues të huaj.

Bursat janë të destinuara për studimet në doktoraturë si dhe pas doktorature në universitetet zvicerane, institutet federale të teknologjisë dhe universitetet e shkencave të aplikuara.

Në këto bursa nuk hyjnë ato për studime në Bachelor ose Master.

Kriteret e pranueshmërisë, informacioni mbi procedurën e aplikimit, adresat e kontaktit dhe informacione të mëtejshme mund të gjenden në secilin vend në faqen e internetit të Komisionit Federal për Bursa për Studentë të Huaj (FCS).

Afati i paraqitjes në Ambasadën e Zvicrës në Maqedoninë Veriore është 15 nëntori 2019, shkruan Albinfo.ch.