Zvicra ka porositur shumë respiratorë gjatë pandemisë

900 respirator ishin dorëzuar deri më 24 qershor

Ministria zvicerane e Mbrojtjes tha se nga 900 respiratorët ishin dorëzuar deri më 24 qershor, 261 ishin ruajtur në shërbimin mjekësor ushtarak dhe 639 ishin dorëzuar nëpër kantone, shkruan Albinfo.ch.

Autoritetet zvicerane po mendojnë se çfarë të bëjnë me respiratorët e tepërt që ata blenë në sasi të mëdha kur shpërtheu pandemia e koronavirusit.

Stoqet janë grumbulluar dhe kapin shifrën mbi 200 milionë, dhe disa prej tyre nuk kanë mbërritur end, tha Ministria zvicerane e mbrojtjes, duke konfirmuar lajmin për gazetën «Sontags Zeitung».

Gazeta citon të dhëna nga një komision qeveritar që thotë se autoritetet kantonale të federatës po i rikthejnë respiratorët dhe se nuk kanë ku t’i ruajnë ose mirëmbajnë ato.

Kjo do të thotë që kantonet mund t’i mbajnë, shesin në vende të tjera ose t’i dhurojnë, ndoshta për vendet në zhvillim.

Qeveria ka urdhëruar shërbimin mjekësor ushtarak që të blejë pajisje kur përhapet pandemia. Ai kërkoi që parlamenti të miratojë më shumë se 2.6 miliardë franga zvicerane për atë qëllim, dhe afërsisht një e pesta e kësaj shume ishte shpenzuar.

Blerja e pajisjeve mbrojtëse, furnizimeve mjekësore dhe testeve është ende në procedim, tha ai, dhe një raport mbi çmimin total do të jepet kur të përfundojë e gjithë kjo./albinfo.ch/

---