Shkurt.ch

Zvicra kthen familjen afgane në Itali

Këtë e ka bërë pasi që Italia ka garantuar ndërkohë që fëmijët do të strehohen bashkë me prindërit në një banesë që i plotëson kushtet

E enjte, 2 Prill 2015 - 8:18 albinfo.ch

Në nëntorin e vitit të kaluar, Gjykata Evropiane për të Drejtat e Njeriut në Strasburg kishte marrë një vendim sipas të cilit Zvicra nuk kishte të drejtë të kthejë një familje refugjate afgane në Itali. Kjo për faktin se Italia nuk i garantonte familjes të jetonte në një bashkësi familjare. Pa garancinë e Italisë, kthimi konsiderohej shkelje e Konventës së të Drejtave të Njeriut.

Nga ana tjetër Zvicra, në bazë të Marrëveshjes së Dublinit, kishte të drejtë të kthente refugjatët në vendin ku ata për herë të parë kishin kërkuar azil, në rastin konkret, në Itali, shkruan srf.ch, transmeton albinfo.ch.
Ndërkohë, Zvicra megjithatë e ka bërë kthimin në Itali të familjes në fjalë. Siç bën të ditur Sekretariati Shtetëror për Migracion, Italia ka garantuar ndërkohë që fëmijët do të strehohen bashkë me prindërit në një banesë që i plotëson kushtet.

 

 Të tjera nga Shkurt.ch

Bllokim trafiku përpara portalit verior: Pritje e gjatë para tunelit Gotthard

 E-Diaspora

 Jeta në Zvicër