Zvicra me një tjetër ndihmë prej 1.5 miliardë frangash për Ukrainën

Ministri i Jashtëm zviceran, Ignazio Cassis, ka theksuar angazhimin e Zvicrës për mbështetjen afatgjatë për Ukrainën. Qeveria tha se synon të sigurojë të paktën 1.5 miliardë CHF deri në vitin 2028, përcjell albinfo.ch.

Mbështetja do të ofrohet si pjesë e strategjisë së bashkëpunimit ndërkombëtar për 2025-2028, tha të mërkurën Ministria e Jashtme.

Së bashku me 300 milionë CHF të destinuara për 2023 dhe 2024, Zvicra do të mbështesë Ukrainën me të paktën 1.8 miliardë CHF gjatë gjashtë vjetëve të ardhshme, tha ai.

Duke folur në takimin pranveror të Grupit të Bankës Botërore (WBG) dhe Fondit Monetar Ndërkombëtar (FMN) në Uashington, DC, Cassis theksoi gjithashtu rëndësinë e Deklaratës së Luganos, rezultat i konferencës së parë për rindërtimin e Ukrainës, mbajtur në Lugano në korrik 2022.

Sipas Cassis, deklarata përmban parime të rëndësishme udhëzuese për reformat dhe transparencën që janë të nevojshme për rindërtim të qëndrueshëm, përcjell tutje albinfo.ch.