Zvicra ndihmon Kosovën të përmirësojë mjedisin e biznesit

Ministria e Tregtisë e Kosovës ka nënshkruar pjesën e dytë të Projektit “Klima e Investimeve në Kosovë II”, me Korporatën Ndërkombëtare të Financave në kudër të Bankës Botërore dhe Qeverisë zvicerane, vlera e së cilës këtë herë është 2.3 milionë euro.

Projekti është në përputhje me objektivat e Strategjisë së Bashkëpunimit Zviceran për Kosovën 2017-2020, për krijimin e një mjedisi të përshtatshëm për bizneset dhe për të rritur investimet, përcjell albinfo.ch.

Sipas ministrit të Tregtisë, Bajram Hasani, progresi i Kosovës ka kaluar në 20 vendet më reformatore në vitin 2017, tregon se ky projekt ka treguar efektin e vet.

Ndërsa, përfaqësuesi i KNF-së, Thomas Lubeck, ka thënë se në etapën tjetër të projektit është dizajnuar krijimi i një strategjie për tërheqjen e investitorëve të huaj.

Derisa, përfaqësuesi i Bankës Botërore, Damien Shiels, ka thënë se e rëndësishme është rritja e bizneseve të reja vendore.

Sipas tij, pas masave të mara nga Ministria e Tregtisë në bazë të këtij plani pritet të ketë edhe investime të jashtme.