Zvicra, para një “përshkallëzimi drastik” të mungesës së personelit shëndetësor

Sipas firmës konsulente PWC, deri në vitin 2040 Zvicrës do t`i mungojnë pothuajse 40,000 infermierë dhe rreth 5,500 mjekë

Një studim i ri supozon se mungesa e punëtorëve të kualifikuar në sistemin zviceran të kujdesit shëndetësor do të “përkeqësohet në mënyrë të pa mëshirshme” deri në vitin 2040, transmeton albinfo.ch. Sipas firmës konsulente PW C, deri atëherë do të mungojnë pothuajse 40,000 infermierë dhe rreth 5,500 mjekë.

Rezultatet janë gjithashtu të disponueshme për agjencinë e lajmeve Keystone-SDA.

Shumica e spitaleve, në vështirësi financiare

Gjithashtu, 20 deri në 25 për qind e spitaleve qysh tash kanë probleme serioze financiare. “NZZ am Sonntag” ka raportuar mbi studimin “Spitalet zvicerane: kaq të shëndetshme ishin financat ishin  në 2021”.

Prandaj, gjurmët e pandemisë mund të shihen ende në operacionet e ofruesve të shërbimeve dhe rritja e inflacionit do të shtojë më shumë, përcjell albinfo.ch.

Efektet që nga pandemia e koronës janë bërë të dukshme për herë të parë në mënyrë shumë konkrete në një shkallë më të gjerë me reparte të mbyllura, shtretër të pa futur në funksion dhe sfida operacionale.

---