Zvicra përballet me mungesë të vaksinës së gripit

Keystone (Oxford University Pool via AP)

Për shkak të pandemisë, më shumë njerëz do të dëshirojnë të vaksinohen kundër gripit këtë vit, pasi mjekët kanë paralajmëruar për rrezikun e prekjes nga gripi dhe Covid në të njëjtën kohë.

Por mund të mos ketë mjaft për të gjithë ata që duan një të tillë, shkruajnë mediat zvicerane, përcjell albinfo.ch.

Zyra Federale e Shëndetësisë u përpoq të blinte 2.5 milionë doza – por ka siguruar vetëm 1.6 milionë.

Kjo do të thotë se nuk ka mjaft as për të gjithë ata mbi 65 vjeç.

Një nga markat e aprovuara për Zvicrën është nga kompania britanike Glaxo Smith Kline, por ato janë shitur tashmë dhe nuk mund të furnizojnë 650,000 që zyra shëndetësore dëshironte.

Mjekët po thonë se ata do të detyrohen të vaksinojnë vetëm ata që janë në grupe me rrezik të lartë – jo të gjithë që do të dëshironin një vaksinë.