Zvicra promovon rritjen ekonomike në Maqedoninë e Veriut

Ambasadori i Zvicrës në Maqedoninë e Veriut, Sybille Suter mori pjesë në Javën Globale të Sipërmarrjes në Maqedoninë e Veriut. Së bashku me zëvendës kryeministrin përgjegjës për Çështjet Ekonomike, Fatmir Bytyqi dhe Ambasadoren e SHBA-së Kate Marie Byrnes ata folën për rëndësinë e politikë-bërjes në gjenerimin e rritjes ekonomike,

Ambasadori Suter theksoi rëndësinë e bashkëpunimit të ngushtë midis politikëbërësve dhe komunitetit të biznesit për hartimin dhe zhvillimin e strategjive dhe politikave që adresojnë nevojat e ekosistemit për progres.

“Rritja ekonomike dhe krijimi i vendeve të punës nga sipërmarrësit nuk është një lojë numrash. Ka të bëjë me mundësimin e zhvillimit të bizneseve elastike, veçanërisht në këto kohë sfiduese në të cilat jetojmë sot.”, është shprehur ambasadori zviceran.