Zvicër: 12 miliardë franga deficit në vitin e dytë të pandemisë

Cyrihu- Zvicer - Ricardo Gomez Angel

Buxheti i Zvicrës u përball me një mungesë prej 12.2 miliardë CHF në vitin 2021 për shkak të pandemisë Covid-19, njoftoi qeveria të mërkurën, përcjell albinfo.ch.

Kjo pason nga një deficit 14.2 miliardë CHF më 2020. Deficiti i vitit 2021 është dy herë më i lartë se shifra e buxhetuar. Vitin e kaluar autoritetet federale shpenzuan 14 miliardë CHF për t’u marrë me pandeminë, nga të cilat 12.3 CHF ishin për shpenzime të jashtëzakonshme, tha qeveria në një deklaratë.

Të ardhurat u rritën vitin e kaluar me 5.6% krahasuar me vitin 2020. Tatimi mbi vlerën e shtuar solli 1.4 miliardë CHF më shumë të ardhura se në vitin 2020 dhe taksat e drejtpërdrejta federale gjeneruan 1.2 miliardë CHF shtesë.

Fitimet nga Banka Kombëtare e Zvicrës (SNB) ishin gjithashtu 700 milionë CHF më të larta se një vit më parë. 1.3 miliardë CHF shtesë do të përdoret për të reduktuar borxhin e lidhur me koronavirusin, vuri në dukje qeveria. Shpenzimet ishin gjithashtu më të larta në vitin 2021 (+0,5%), kryesisht për shkak të masave të lidhura me pandeminë. Shpenzimet më të mëdha ishin për kompensimin e punës me kohë të shkurtër (4.3 miliardë CHF), asistencën e vështirësive (4.2 miliardë CHF) dhe kompensimin e humbjes së të ardhurave nga Covid-19 (1.8 miliardë CHF), përcjell tutje albinfo.ch.