Zvicra zyrtarizon kërkesën për European Sky Shield

Viola Amherd, Twitter

Udhëheqësja e Departamentit Federal të Mbrojtjes, Viola Amherd nënshkroi një deklaratë në Bernë me homologët e saj gjermanë dhe austriakë.

Ky angazhim ka të bëjë me blerjen e përbashkët të një mburoje evropiane kundër raketave në kuadër të iniciativës European Sky Shield, shkruan RTS.

Në kontekstin e pushtimit rus të Ukrainës, ky sistem duhet të ndihmojë në plotësimin e boshllëqeve në qiellin evropian. Nisma u lançua nga Gjermania në gusht 2022.

Objektivi i kësaj nisme është të koordinojë dhe konsolidojë më mirë projektet e blerjes së pajisjeve të mbrojtjes ajrore në Evropë, në mënyrë që të arrihet ekonomia e shkallës, të përmirësohet ndërveprueshmëria e sistemit dhe të mundësohet bashkëpunimi në trajnim, mirëmbajtje dhe logjistikë, përcjell albinfo.ch.

European Sky Shield aktualisht bashkon 17 vende, shumica e të cilave janë anëtarë të NATO-s. Zvicra, si shtet neutral, mundi të regjistronte rezervat e saj në një deklaratë plotësuese.

Si Zvicra ashtu edhe Austria, si shtete neutral, mundën të regjistronin rezervat e tyre në një deklaratë plotësuese. “Çdo pjesëmarrje në konfliktet ushtarake ndërkombëtare është e përjashtuar në mënyrë eksplicite,” siguroi këshilltarja federale Viola Amherd gjatë një konference për shtyp, shkruan RTS.

“Nuk është një vendim që duhet të marrë Parlamenti”, shtoi ajo teksa.

Nënshkrimi i këtij dokumenti u bë në kuadër të takimeve të rregullta trepalëshe DA-CH ndërmjet Zvicrës, Gjermanisë dhe Austrisë.

Të pranishëm ishin ministrat gjermanë të Mbrojtjes Boris Pistorius dhe austriake Klaudia Tanner, përcjell albinfo.ch.