Zvicrës për dhjetë vite do t’i shtohen 700 multimilionerë

Deri në vitin 2025, numri i multimilionerëve në Zvicër do të rritet për dymbëdhjetë për qind.

Kështu të paktën parashikon «The Wealth Report». Bëhet fjalë për njerëz që kanë më shumë se 30 milionë dollarë (ekuivalent me rreth 30 milionë franga zvicerane), përcjell lajmin e mediave zvicerane albinfo.ch.

Më 2015, numri i mulimilionerëve në mbarë botën ka mbetur i pandryshuar për dy për qind,  thuhet në këtë raport duke iu referuar rreth 150 mijë multimillionerëve të botës. Në Kinë ka rënë numri i tyre në vitin 2015 me një për qind, në SHBA me dy për qind, në Rusi nga pesë për qind dhe në Brazil për të dymbëdhjetë për qind.

Cyrihu më herët ishte qyteti i dhjetë për nga numri i multimilionerëve, por në vitin 2016 vendin ia ka zënë Gjeneva. Shumica e multimillioneirëve jetojnë në Londër, e ndjekur nga New York. Edhe pse Gjeneva nuk ka mjaft multimilionerë,  qyteti është i pesti më i shtrenjtë me apartamente luksoze në mbarë botën.

Deri në vitin 2025, numri i multimilionerëve pritet të rritet, sipas kompanive në Zvicër do të shkojë nga 5680 në 6362. Rritja më e madhe pritet të shfaqet  në Gjenevë, me 13 për qind.

30 miliarderë në Zvicër

Deri në vitin 2025 numri total i mulimilionerëve do të arrijë në 263 mijë në tërë botën. Aktualisht janë 187,000. Bëhet fjalë për një rritje prej 40 për qind.

387 mijë prej tyre ka të ngjarë të jetojnë në Zvicër, sot janë 346’000. Edhe numri  i miliarderëve pritet të rritet për dhjetë vite në të gjithë botën nga 1900 sa janë tani në gati 2800. Në Zvicër do të jetojnë 30 prej tyre.