Zyrtare: Aterimet në aeroportin “Adem Jashari” janë të pamundura

Aterimet janë anuluar për shkak të mjegullës në aeroportin “Adem Jashari”

Është bërë e ditur se mjegulla e rënë mbi vendin tonë ka ndikuar që aterimet në aeroportin “Adem Jashari” të jenë të pamundura. Disa nga fluturimet edhe janë anuluar.

Sipas zyrtarëve nga aeroporti, thuhet se aeroplani i paraparë që të ateronte në Sllatinë rreth orës 22:15 është kthyer përsëri në Stamboll. Ndërsa ai i nisur nga Verona për në Prishtinë është detyruar të ulet në aeroportin e Shkupit.

Zëdhënësja e aeroportit “Adem Jashari”, Valentina Gara, ka thënë se aterimet janë anuluar për shkak të mjegullës.

Po ashu, ajo është shprehur se qytetarët duhet t’i kontaktojnë kompanitë ajrore, sepse janë të obliguara që të merren me udhëtarët, të cilët presin për shkaqe të ndryshme, shkruan sinjal.

“Fluturime janë duke u anuluar për shkak të mjegullës, kompanitë ajrore duhet të kenë një përfaqësues që ua sqaron udhëtarëve se çka duhet të bëjnë”, përcjell albinfo.ch.

---