Zyrtare, Behgjet Pacolli arrin të bëhet deputet

Kryetari i Aleancës Kosova e Re (AKR), Behgjet Pacolli, ka arritur të bëhet deputet i legjislaturës së tetë të Kuvendit të Kosovës, transmeton albinfo.ch.

Këshilltari i tij, Naim Murseli, përmes një postimi në “Facebook”, ka thënë që Pacolli është njëri ndër më të votuarit në listën e LDK-së.

“Me një rritje të votave nga zgjedhjet e fundit, dhe nga kandidatët më të votuar të listës së LDK-së, Behgjet Pacolli është gati për mandatin e tij të radhës si deputet i Kuvendit të Kosovës nga radhët e AKR-së”, ka shkruar ai.

Në zgjedhjet e 14 shkurtit, AKR-ja dhe LDK-ja kanë garuar në koalicion.

Ato nuk patën rezultat të mirë zgjedhor, duke u renditur të tretit në këto zgjedhje.

Në Kuvendin e Kosovës ata kanë arritur të marrin vetëm 15 ulëse.