Zyrtarisht Charles III emrohet Mbret i Britanisë së Madhe

screnshot

Sot, Charles III u shpall zyrtarisht si mbret i Britanisë të shtunën, në një ceremoni të zhytur në traditën e lashtë dhe simbolikën politike, derisa për herë të parë, u transmetua drejtpërdrejt, përcjell albinfo.ch.

Mediat britaneze shkruajnë se Charles u bë automatikisht mbret kur nëna e tij, Mbretëresha Elizabeth II, vdiq të enjten, por ceremonia e pranimit është një hap kyç kushtetues dhe ceremonial në prezantimin e monarkut të ri në vend, raportoi Associated Press të shtunën.

Ceremonia në Pallatin St. James, një rezidencë mbretërore në Londër, përcillet nga Këshilli i Aderimit, i përbërë nga politikanë dhe zyrtarë të lartë që këshillojnë monarkun. Ata u takuan pa Charles, duke konfirmuar zyrtarisht titullin e tij, Mbreti Charles III. Mbreti më pas do të bashkohet me ta për të bërë një sërë betimesh dhe deklaratash.

Është hera e parë që ceremonia mbahet që nga viti 1952, kur mbretëresha Elizabeth II mori fronin.

Charles shoqërohet në ceremoni nga gruaja e tij Camilla, dhe djali i tij i madh Princi William. William tani është trashëgimtar i fronit dhe i njohur me titullin e mbajtur prej kohësh, Princi i Uellsit.

Pas ceremonisë, një zyrtar do të lexojë me zë të lartë shpalljen nga një ballkon në Pallatin e Shën James. Ajo gjithashtu do të lexohet në qytetin mesjetar të Londrës dhe në vende të tjera në të gjithë Mbretërinë e Bashkuar.