Zhvillim
Osman Sadiku: “Burgosja e Kurtit, nuk është politike”
Por opozita është edhe më zi. VV e cila e ka plot gërmazin patriotizëm, në njëfarë mënyre as nuk e njeh Shtetin e Kosovës.
Situata aktuale në Kosovë, por edhe e tërë çështja e Kosovës është shumë komplekse. Kush mendon dhe premton se zgjidhja është e lehtë, gabohet rëndë. Atje nuk janë në pyetje vetëm interesat e shqiptarëve. Aty tangohen interesat e shumë të tjerëve, të miqve e të armiqve të Kosovës (shqiptarëve). Përkundër kësaj përgjegjësia kryesore bie mbi popullin e Kosovës. Nga ai kanë dalë këta politikanët tanë të pangopur, të papërgjegjshëm e mbi të gjitha, të paditur. Në pushtet kanë mbetur/ardhur dy partitë më të armiqësuara. Ata, në vend se të punojnë së bashku, tërë kohën e shantazhojnë dhe i vënë kurthe njëri tjetrit. Këto parti nuk i lidh asgjë, as parimet, as programet, por vetëm një fakt i vetëm, mbetja në pushtet, shprehet Sadiku për albinfo.ch.
Por opozita është edhe më zi. VV e cila e ka plot gërmazin patriotizëm, në njëfarë mënyre as nuk e njeh Shtetin e Kosovës. Ata si në të shprehur, si në veprim ashtu edhe në të menduar janë lidhur për një ideologji të dështuar. Një ideologji që me traditën dhe civilizimin shqiptar nuk ka asgjë të përbashkët. VV, eksponentët e të cilës e kanë plot gojën patriotizëm dhe antikorrupsion, është lidhur me dy parti tjera të cilat kur vetë ishin në pushtet s‘kanë lënë gjë të keqe pa bërë. Më e keqja është se VV po përdor dhunë, e dhuna s`është asfarë zgjidhjeje, përkundrazi ajo prodhon vetëm humbës ndër ne.
Parimisht jam kundër dhunës dhe burgosjeve politike. Por burgosja e z. Kurti dhe vartësve të tij nga këndvështrimi im nuk është politike. Ata nuk po burgosen për mendimet fisnike dhe të mbrapshta të tyre, por për ushtrim dhune. Edhe në Zvicër kush përdor dhunë kundër individit apo institucionit, burgoset dhe dënohet. Është e drejtë legjitime e opozitës për ta kritikuar dhe demaskuar pushtetin, por përmbysja e tij me dhunë është e papranueshme. Opozita s’ka nevojë ta kritikojë pushtetin në „qiell“, siç po bën z. Kurti. Ai duhet të kritikohet në „tokë“ ku realisht asgjë nuk funksionon si duhet. Arsimi, shëndetësia, administrata, gjyqësia, mediet… Pozita, sado e dobët që është, e ka shumicën, e ka edhe legjitimitetin, e opozita, për aq kohë sa dhunën e sheh si mjet për të ardhur në pushtet, nuk ka asgjë. Pra, drita në fund të tunelit nuk po shihet.
Osman Sadiku olitikan i SP-së dhe ekspert i migracionit, Glarus (ky opinion është shkruar për albinfo.ch)
Të tjera nga Zhvillim
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
Jeta në Zvicër
-
Ish-këshilltari federal paralajmëron: Putini shënjestër do ta ketë edhe Zvicrën Cilat janë arsyet?...
-
Gaza: Zviceranët caktojnë afro 11 milionë franga për UNRWA
-
A mund të pretendojë ende Gjeneva të jetë ‘kryeqyteti i paqes’?
-
Zvicra dhe Kosova, marrëveshje bashkëpunimi për projektin “Matching Skills to Jobs”
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër