Pasul (fasule)

Është një gatim tradicional shqiptar, i shijshëm dhe pa kosto të lartë.

Përbërësit:

•       0.5 kg pasul (fasule)
•       1 qepë
•       2 speca
•       1 domate
•       1dl.vaj ose 100gr. yndyrë ( tlyen, margarinë apo buter)
•       1 lugë gjelle kripë
•       1 lugë gjelle biber të kuq

Përgatitja:

Pasulin (fasulen) me pak ujë e ziejmë për 15 min. Atë ujë e derdhim dhe ia shtojmë 2 litra ujë të nxehtë.
Tenxheren me pasul (fasule) e lëmë në temperaturë të ulët 2 – 3 orë.
Qepën e grirë e kavërdisim në yndyrë, pastaj ia shtojmë specat e grirë dhe domaten e copëtuar imët.
Të gjitha i fërgojmë për afro 15 minuta, mandej ia shtojmë një lugë biber të kuq dhe 1- 2 kupa ujë nga pasuli (fasulja) i zier.
Fërgesën më qepë, spec, domate dhe biber të kuqë ia shtojmë pasulit (fasules) të zier, të cilit paraprakisht i kemi shtuar një lugë gjelle kripë dhe ashtu e lëmë 15 minuta në temperaturë minimale.

Ju bëftë mirë !