1 milion euro i dhuron Behgjet Pacolli për Shqipërinë

Zëvendëskryeministri në largim i Kosovës, Behgjet Pacolli, përmes një postimi në Facebook ka njoftuar se ai dhe familja e tij do të dhurojnë 1 milion euro për të prekurit nga tërmeti.

Pas goditjeve nga tërmetet e njëpasnjëshme në Shqipëri, ku si pasojë humbën jetën 41 persona e mbetën të lënduar mbi 650 të tjerë zyrtarë e qytetarë të thjeshtë nga Kosova janë mobilizuar që t`ju dalin në ndihmë, shkruan albinfo.ch.

 

Njëri ndër ta është edhe zëvendëskryeministri në largim i Kosovës, Behgjet Pacolli, i cili përmes një postimi në rrjetin social “Facebook”ka bërë të ditur se ai dhe familja e tij do të dhurojnë 1 milion euro për të prekurit nga tërmeti.

“Kemi vendosur së bashku me familjen time (ne djemtë e Isa dhe Ruhan Pacollit) që të dhurojmë #1milion Euro për rindërtimin e zonave të prekura nga tërmeti. Ky donacion do të shkojë në funksion të rindërtimit dhe bashkë me Qeverinë e Shqipërisë do të menaxhohet në mënyrë transparente dhe të sigurt”, ka shkruar Pacolli.

Por, përveç kësaj ai ka bërë të ditur se hap dyert për të pranuar dhe qindra familje në Prishtinë.

“Unë pres po ashtu që në mënyrë të organizuar të pranoj edhe qindra familje këtu në Prishtinë”, ka theksuar Pacolli.

Postimi i plotë:

---