100 forma të Trumpit, bazuar në postimet e tij

Boucq dhe bashkautorja Vanessa Duhamel e shkruan librin “Trump në 100 tweets”, bazuar në shpërthimet e tij kur bëhej fjalë për ndërmarrjet e tij, fushatën dhe qëndrimet ndaj liderëve të tjerë botërorë.

Artisti francez, Francois Boucq, ia ka dërguar një dhuratë presidentit amerikan. Libri është komik dhe në të janë 100 vizatime që paraqesin Donald Trumpin, bazuar në 100 postimet e tij në Twitter.  

Trump, i cili ka rreth 50 milionë ndjekës në Twitter, është i njohur për postimet e tij shpesh banale, të cilat shkaktojnë edhe grindje diplomatike.  

Boucq dhe bashkautorja Vanessa Duhamel e shkruan librin “Trump në 100 tweets”, bazuar në shpërthimet e tij kur bëhej fjalë për ndërmarrjet e tij, fushatën dhe qëndrimet ndaj liderëve të tjerë botërorë.

Para se të dërgonin një kopje në Uashington, Boucq e kishte falënderuar me një pusullë presidentin, duke i thënë se pa të ky libër s’do të bëhej. 

Vizatimet origjinale po ashtu janë ekspozuar në galerinë “Huberty & Breyne” në Paris, e cila është nikoqire e punës retrospektive të Boucq, në të cilin ka vizatime politike në media, por edhe disa albume. Përpos Trumpit, vizatime ka edhe me liderë të tjerë, sikurse presidenti rus apo verikorean dhe artistët mendojnë që edhe atyre t’ua dërgojnë nga një kopje. Libri do të publikohet më 7 mars.