102 mjekë nga Serbia duan të futen në Kosovë

Policia bën verifikimin dhe pret vendimin e MSH-së (Dokument)

Në pikën e kalimit kufitar në Merdar aktualisht ndodhen 102 mjekë nga Serbia, të cilët duan të futen në Kosovë për t’i ndihmuar komunat e banuara kryesisht me serbë, e që janë të prekura nga COVID-19.

Për mediat kosovare nga Merdar kanë konfirmuar rastin dhe, sipas tyre, personeli kufitar është duke verifikuar dokumentacionin e tyre para se të marrë një përgjigje nga Ministra e Shëndetësisë e Republikës së Kosovës.

Në listë janë emrat e 102 mjekëve, të cilët ndodhen në Merdar duke pritur lejen për t’u futur në Kosovë. Nga kjo listë, 82 persona janë me destiancion në komunën e Graçanicës, shkruajnë mediat kosovare, përcjell albinfo.ch.

Policia kufitare ka marrë urdhër nga Qendra Operative që derisa të mos pranohet konfirmimi nga MSH, të mos lejohet hyrja e tyre.

---