Shkon në 59 numri i të vdekurve në Maqedoni, familjarët kërkojnë të afërmit përmes rrjeteve sociale

Teksa është konfirmuar se numri i viktimave në Maqedoninë e Veriut ka shkuar në 59, shumë familjarë tashmë kanë nisur të kërkojnë të afërmit e tyre, të gjithë të rinj mes moshave 14-24 vjeç, përmes rrjeteve sociale.

Në Instagram dhe Facebook po shpërndahen fotografi të të rinjve duke kërkuar informacione për më të afërmit e tyre, raporton mediumi maqedonas, Kanal 5, përcjell albinfo.ch.

Fotografitë e tyre, së bashku me emrat dhe numrat e telefonit, janë shpërndarë, me kërkesën që, nëse dikush e di në cilën spital ndodhen ose ka ndonjë informacion tjetër, të njoftojë në numrat e dhënë.