Maqedonia
12 milionë franga nga Zvicra për Qeverinë e Maqedonisë së Veriut
Ambasada e Zvicrës i jep 12 milionë franga Qeverisë së Maqedonisë së Veriut, që ta reformojë sistemin zgjedhor. Memorandum bashkëpunimi që u nënshkrua mes kryeministrit të vendit, Zoran Zaev dhe ambasadores së Zvicrës në Shkup, Sibil Zuter Tehada, përfshin realizim të programeve, që duhet të sjellin reforma në të gjitha institucionet kyçe, të gjitha partitë politike dhe informimin e qytetarëve, për përgjegjësinë dhe llogaridhënien e të zgjedhurve të popullit.
Kryeministri Zoran Zaev theksoi se qëllimi kryesor i programit është realizimi i zgjedhjeve kredibile dhe demokratike, që do të mundësojnë pjesëmarrje politike të qytetarëve, përmes zgjedhjes së përfaqësueseve të tyre, nga të cilët më vonë do t’u kërkojnë llogaridhënie.
Zoran Zaev, kryeministër
“Konkretisht programi duhet të rezultojë me përforcimin e institucioneve, të cilat zbatojnë procese zgjedhore fer dhe cilësore, gjithashtu fokusi do të jetë në demokratizimin e brendshëm të partive politike, politikat dhe programet zgjedhore të të cilave do të duhej të jenë orientuar kah qytetarët dhe nevojat e tyre. Nga ana tjetër, qytetarët do të jenë më mirë të edukuar dhe informuar për të kërkuar llogaridhënie nga partitë politike dhe funksionarët e zgjedhur”.
Ky investim, thekson ambasadorja Zuter Tehada, shpreson të sjellë ndryshime në këtë vend, sepse siç tha ajo, shteti i Zvicrës është i interesuar të kontriubojë për demokratizimin e Maqedonisë së Veriut.
Sibil Zuter Tehada, ambasadore e Zvicrës
“Ne duam që partitë politike t’i bëjmë përgjegjëse para qytetarëve të tyre, gjegjësisht para votueseve të tyre. Gjithashtu duam të investojmë në një arsimin demokratik, që të dinë se partitë politike duhet të jenë përgjegjëse para tyre. Uroj që ky projekt për 10 vjet të bëjë ndonjë ndryshim, sepse Zvicra është aktive në demokratizimin e këtij vendi dhe dëshiron të sjellë kontribut në demokratizimin e vendit”.
Zgjedhjet e parakohshme parlamentare janë paraparë të mbahen në prill të 2020-ës, kurse kryeministri Zoran Zaev zotohet se ka kohë të mjaftueshme të bëjnë ndryshime të këtij lloji si dhe të bëjnë ndryshim të modelit zgjedhor, ku propozimi i LSDM-së është me lista të hapura dhe një njësi zgjedhore, si dhe përfshirje e përfaqësimit gjinor 50-50 në listat zgjedhore, shkruan GE, përcjell albinfo.ch.
E-Diaspora
-
Nju-Jork: Artisti Petrit Halilaj, në majë të Muzeut Metropolitan Artisit shqiptar, Petrit Halilaj, është tani një artist konceptual, skulpturat, vizatimet, instalimet dhe performancat joshëse dhe...
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
Jeta në Zvicër
-
Bazeli lufton mushkonjat Bazeli po lufton përhapjen e mushkonjave tigër aziatike duke lëshuar larvicide. Të dhënat treguan se dëmtuesi...
-
Zvicër: Nis fushata për uljen e primeve të sigurimit shëndetësor
-
Barnat e blera jashtë vendit mund të rimbursohen në Zvicër
-
Anulime të shumta të fluturimeve mes Zvicrës dhe këtij rajoni
-
Coca cola e re në Zvicër po konsiderohet mashtrim