1341 persona nga Cyrihu kandidojnë për 36 vende në Parlamentin Nacional të Zvicrës

Në zgjedhjet për Parlamentin Nacional që mbahen më 22 tetor, kandidojnë edhe tre politikanë me rrënjë shqiptare nga Kantoni i Cyrihut

Janë  1,341 kandidatë në 44 lista të ndryshme që kandidojnë në kantonin e Cyrihut për zgjedhjet e Parlamentit Nacional, që mbahen më 22 tetor.

Ky është numri më i lartë ndonjëherë, katër vjet më parë kishte 966 persona, në 32 lista, shkruan Blick.

Sipas Peter Moser nga zyra e statistikave kantonale, kjo vjen pasi partitë, përveç listave kryesore, kanë edhe nënlista të specializuara.

Firmimi i nënlistave është bërë më i lehtë; partitë nuk duhet të gjejnë 400 mbështetës shtesë për këtë, përcjell albinfo.ch.

Përqindja e grave në të gjitha listat është 42.6%, që është praktikisht e pandryshuar në krahasim me zgjedhjet e kaluara.

Gjysma e të gjithë kandidatëve janë më të rinj se 45 vjeç, gjysma tjetër më të vjetër. Kandidati më i vjetër është 88 vjeç, dhjetë kandidatë janë 18 vjeç, shkruan Blick.

Për Parlamentin Nacioanl kandidojnë edhe tre politikanë me rrënjë shqiptare nga Kantoni i Cyrihut.

Afati i regjistrimit ka përfunduar të hënën dhe janë dorëzuar 44 lista. 43 janë të vlefshme, përcjell albinfo.ch.

---